معرض الكتاب الدولي 1432 هـ

.

.

 

 

معرض الكتاب و ما أدراك ما معرضُ الكتاب

و أخيرًا ودّوني أهلي لمعرض الكتاب ؛ اللي كنت وما زلت أحلم فيه هههههه

الزحمة فظيعه كـ العاده ، و الناس كلها سارت تقرأ وتحب الكتب : |

لِ لحظة حسيت إنو أمة أقرأ أصبحت تقرأ فجأة ؛ و الأكياس تأنّ وتشتكي من كثرة الكتب

و أجناس و أشخاص ولهجات تمشي جنبك !

 

ما علينا ..

أهم شي إني رحت ومعايَ لستة طويلة عريضة بأسماء الكتب اللي من شهور وأنا أجمّع فيها

و رجعت وأنا ما جبت إلا كتاب واحد فقط منهم

يا خي لحد يلومني التقسيم على حسب الدُور صعب جدًا ، لمّن يعجبني كتاب بصراحه ما ألتفت لِ الدار الناشرة أبدًا : |

أهتم بالعنوان و اسم الكاتب و اللي مقدّم الكتاب ، أما اسم الدار ما عمري فكّرت أني أشوفه

 

اكتشفتْ إنو كل الكتب اللي اشتريتها شعر ودواوين

من زمان كنت أبحث عن دواوين وأشعار فريده من نوعها ، وكل مره أختار ويخيب إختياري

أما هالمره الحممممد لله لقيت اللي في بالي وأكثر ..

 

مجموعة الكتب اللي اشتريتها هي /

- ديوان عناقيد الضّياء ؛ عبد الرحمن العشماوي

- قصائد أعجبتني ؛ غازي القصيبي

- وَمضْ ؛ بدر بن عبد المحسن

- لقطات ؛ خالد الزييب

- طفولة قلب ؛ سلمان العوده

 

توقعت إني حـ أطلع بكُتب أكثر من كذا

بس أشوى أني كنت قنوعه ، و أقلّب في الكتاب و آخذه بعد قناعه تامّه

أذكر الكل كان يقول نصيحه للي يروح المعرض لا ياخذ أكثر من 500 ريال ؛ لأنه إذا شاف الكتب

يشتهي كل كتاب موجود في المعرض ويصرف عليهم بجنون ؛ وبعد كذا تبقى بأكياسها على الرفّ ما تنتفح : )

 

أحس إني اعتمدت إعتماد كامل في الإختيار على الكُتّاب

لأني دايمًا أقع بنفس المشكلة ؛ يغريني الغلاف وعنوان الكتاب

أشتريه و أكتشف لا أسلوب و لا منطق عند الكاتب :”(

هالمره أشوف اسم الكاتب قبل العنوان و الغلاف

 

” اللهم زدنا علمًا “

 

يلا أعطوني قائمة مُشترياتكم ؛ لتعمّ الفائده (L)

وشكرًا لحسن الإنصات ..

 

2 – 4 – 1432 هـ